Telepsykiatri. Aammalu tarnikkut nappaatit qanoq kulturimut atassuteqarpat?
tarnikkut nappaatillit seneriak tamakkerlugu, ullut tamaasa, tarnip nakorsaanik ( psykiater-imik ) oqaloqateqarnissamik pisariaqartitsisarput. Qangaanerusoq angallammik angalaarluni aatsaat iluatsissinnaasarput. Ullumikkut pissutsit allanngorput, tenik-kikkullu nutaanik periarfissaqalerluni. Telepsykiatri atorlugu tamanna iluatsissinnaavoq. Kalaallit Nunaat isorartunersua eqqarsaatigalugu Telemedicin/ Telepsykiatri siunissamut isumalluarnarput.
1990-ikkunnili telepsykiatri nunatsinni ineriartorsimavoq, atortorersaarutit makku aqqutigalugit : ”Video-konference”, Skype, ullumikkulli ”Lync” sineriammi ikkorsorneqarluni. Siunissami siunertarineqarpoq allaat nunaqarfinni tarnikkut nappaatillit toqqaannaq tarnip nakorsaanik oqaloqateqartarsinnaasasut. Ullumikkulli tamanna nunaqarfiit ilaani piviusunngoreerluni, uvagut oqaatsigut atorlugit.
Taammatut oqaloqatiginnissinnaaneq aallaavigalugu makku Psykiatri-p iluani anguniagaasinnaannorput: tarnikkut nappaatillit ajornanngippat sapinngisamik illoqarfimmi- imal. nunaqarfimmi- niiginnassapput. Aammalumi napparsimavimmut pisariaqnngitsumik unitsittineq sapinngisamik pinaveersaarneqassaaq. nammineq piumassutsi malillugu uninneq annertuseriarsimavoq. Statistik-imi taaku kisitsisinngorlugit saqqummiunneqarumaarput. Neriuutigineqarpoq oqaloqatigiineq , video-kut immiussaq, takutissinnaasallugu.
Tarnikkut nappaatit qanoq kulturimut atassuteqarpat ?:
Nappaatit tamat ataatsimut isigalugit, tarnikkut nappaatit tassaaput nappaatit kulturimut atassuteqarnerusut. tassami nissut napinikut nunarsuarput tamakkerlugu assigiinnik isikkoqarput. imalu oqartoqarpat : ” uvannga qivittoq tusaasarpara”, taammaatulli oqariarneq nappaataava imaluunniit nappaataanngila ? psykiatri-mi paasiniaanitsinni oqaloqatiginninneq pitsaasoq, tassa paasinnilluarneq, eqqarsaatit imarisai , misigissutsillu paasilluarnissaat kisimi aalaangiisussangorlutik. Aammalumi nappaatillit pitsaasumik, siunertalimmik nakorsarniaraanni oqaloqatigiinermi paaseqatigiinnissaq pisariaqarluinnarluni.
